A edil de Benestar visitou Gran Canaria para estudar esta aposta deportiva pola inclusión
A edil de Benestar Social do Concello de Ferrol, Eva Martínez Montero, visitou Gran Canaria para coñecer de preto o proxecto de deporte inclusivo, promovido polo galego Javi Chorén. A concelleira estuda aplicar un modelo semellante en Ferrol, en colaboración coa concellería de deporte.
Eva Martínez coñeceu o proxecto Suma, de Chorén, a través das redes sociais. A partires dese momento, comezou a entablar conversas có promotor desta iniciativa. Finalmente, viaxou até Gran Canaria para coñecer de primeira man o traballo desenvolvido con rapazas e rapaces con diferentes capacidades.
A concelleira confesou que a iniciativa ten unha dimensión moito maior da que inicialmente pensaba. Gustaríalle poder extrapolar o proxecto a Ferrol para, nas súas propias verbas, "acadar unha auténtica inclusión social".
Esta visita servirá coma punto de partida para un proxecto de longo recorrido no que, a concelleira do ramo social, agarda poida implicarse algún clube de primeiro nivel.
